Пилешки стек во бел сос со печурки

    Кога сакам брзо јадење со месо, секогаш употребувам пилешко месо. Брзо и лесно се приготвува, а може да се комбинира на милион начини. Никогаш досадно за јадење.
    Пилешкото најмногу ми е вкусно кога е во комбинација со печурки и некаков сос. Несакам кога е тврдо и суво месото.
    Печурки секогаш имам во фрижидер, ги обожувам.

Состојки:
2 парчиња стек
100 гр шампињони
250 мл млеко
50 гр кашкавал
2 парчиња пршут
1 лажица брашно
1 мала главица кромид
босилок, мајоран, оригано
сол и црн бибер

Начин на подготовка:
    Стекот ставете го да се свари, потоа исечете го на помали тенки парчиња. Парчињата стек ставете ги во тава со загреано масло и пржете ги додека поруменат.
    Во истото масло ставете го ситно исецканиот кромид и печурките. Пржете додека кромидот не омекне. Одкако ќе се испржат додадете го брашното и промешајте. Со постојано мешање сипете го млекото и ставенте го ренданиот кашкавал. Пред да зоврие сосот ставете ги парчињата стек во тавата. Посолете и заченете со босилок, мајоран и оригано.           Оставете да се крчка неколку минути и тргнете го од оган.
    Послужете го топло со парче пршут.
Пријатно јадење.