Колач со цреши

    Сигурна сум дека веќе го знаете добро познатиот колач со вишни. Но овој пат го направив со цреши. Исто толку е добар и вкусен како колачот со вишни.

    Црешите го немаат оној маку киселкаст вкус, па затоа колачот e поблаг, но сепак лесен за јадење.

Состојки:

3 јајца

7 шољи (мали за еспресо) шеќер

2 шољи (мали за еспресо) зејтин

250мл кисело млеко

8 шољи (мали за еспресо) брашно

1 пециво

200-300 гр. исчистени цреши 

Начин на подготовка:

    Во длабок сад се кршат јајцата и се додава шеќерот. Се мати со миксер додека шеќерот не се стопи. Се додава киселото млеко и се продолжува да се мати додека шеќерот скроз не се стопи. За да бидеме сигурни дека шеќерот е стопен, проверуваме со лажица така што лажицата ја потопуваме во смесата и кога ке ја извадиме нетреба да има шеќер на неа.

    Одкако сме ги изматиле шеќерот,јајцата и киселото млеко, матејки се додава зејтинот, брашното и пецивото. Се мати додека не се изедначи.

    Во набрашнет плех се сипува половина од смесата и се остава 5-10 минути да одстои. Потоа се редат црешите и се сипува останатат смеса.

    Се пече во загреана рерна на 180с° околу 30 минути.