Лазања со тиквички

    Лазањи,мммм... едно од моите омилени јадења. Но овој пат класичната лазања ја заменив со тиквичка. Исто толку е вкусно како и класичната лазања.
    Совршено јадење за ручек во било кој ден од неделата, бидејки брзо и лесно се прави.

Состојки:

1 тиквичка

200гр мелено месо

1 мал кромид

250мл сос од домати

200г рендан кашкавал

1 лажица брашно

300мл млеко

3 лажици путер

оригано, босилок, сол и црн бибер

Начин на подготовка:

    Во тава ставете ситно исецкан кромид и пржете додека не порумени, додадете го меленото месо и продолжете да пржите. Одкако месото ќе се испржи додадете го сосот од домати, оставете да крчка со привремено мешање додека не почне да се згуснува. Зачинете со сол, оригано и босилок и тргнете го од оган.

    Во друга тава ставете го путерот и брашното, пржете додека брашното не стане златесто. Додадете го млекото на три пати со постојано мешање. Посолете со сол и бибер. Кога ќе се згусне тргнете го од оган.
    Тиквичките излулете ги и исечете ги тенко по должина.

    Во огноотпорен сад прво наредете ги тиквичките. Ставете 1/3 од бешамеш сосот, па врз него 1/3 од меленото месо со доматен сос и рендан кашкавал. Постапката повторете ја три пати.

    Печете во загреана рерна на 200с°.
Пријатно јадење.